母親節就快到，想同屋企人食餐好啲、又有氣氛嘅家庭聚餐，其實香港有唔少酒店餐廳推出限定優惠同母親節套餐。今次幫大家整理幾間人氣之選，包括尖沙咀香港金域假日酒店「龍苑中菜廳」同旺角康得思酒店「明閣」，由高性價比共享套餐到高級宴會都有，方便你按預算同需要揀到最適合嘅安排。

尖沙咀金域假日酒店「龍苑中菜廳」

尖沙咀金域假日酒店嘅龍苑中菜廳推出「享樂共聚套餐」主打輕鬆團聚氣氛，適用於公司或家庭聚會，六位用 HK$2,688、十二位用 HK$5,288，已包茶芥、小食及服務費，仲包橙汁、汽水同指定啤酒，性價比相當不錯。套餐供應日期由 2026 年 4 月 21 日至 6 月 30 日，母親節同父親節期間同樣適用，而且午市同晚市價錢一致，時間彈性高。

菜式方面相當豐富，先有「龍苑六小碟」包括滷水鵝片、鵝肝、潮式炸蝦丸、墨魚片、麻香海蜇同胡麻茄子打頭陣；湯品有杏汁燉白肺湯，滋補又暖胃；主菜包括京蔥蝦子燴肉丸海參、懷舊百花炸蟹鉗、清蒸沙巴龍躉同茶王吊燒雞，款款都係經典粵菜。主食則有金銀蒜帶子蒸飯同海皇煎脆麵，份量充足。甜品方面以蓮子紅豆沙湯圓作結，再配流沙芝麻球拼開心果蛋撻。（菜單按此查看）

預訂網址：https://www.kkday.com/zh-hk/product/137023?cid=2058

康得思酒店「明閣」

如果想搵高級酒店中菜套餐，「康得思酒店」明閣餐廳屢獲殊榮，環境高雅，仲可以安排包廂用餐，私隱度高又夠溫馨。經 Runhotel 預訂可享每席減 HK$1,100，折後十位 HK$10,140（已包服務費及茶芥），菜式包括即燒化皮乳豬、濃湯鮑魚花膠雞絲羹、酥炸鮮釀蟹蓋、柚皮扣蠔皇南非湯鮑魚（6頭）、鍋燒干巴菌雲腿瑤柱鮑魚炒飯、萬壽果雪燕燉桃膠等（菜單按此），另外更包含三小時無限暢飲餐酒、本地啤酒、橙汁及汽水。

預訂日期：2026 年 4 月 15 至 5 月 31 日
（母親節正日 5 月 9 – 10 日除外）

▼包廂環境
圖片只供參考